Umhverfismatsdagurinn 2023
Umhverfismatsdagurinn, árlegt málþing Skipulagsstofnunar um umhverfismat, fer fram í Hannesarholti á Grundarstíg 10 í Reykjavík, þann 8. júní næstkomandi.
Öll áhugasöm eru hjartanlega velkomin og fer skráning fram hér. Viðburðinum verður jafnframt streymt á Facebook-síðu Skipulagsstofnunar. Ekki er þörf á að skrá sig til að fylgjast með streyminu. Fundargestir geta tekið þátt í umræðum í gegnum Sli.do, en einkennisnúmer Umhverfismatsdagsins er #2554333.
Í ár verður Umhverfismatsdagurinn helgaður þætti loftslagsbreytinga þegar kemur að umhverfismati og farið yfir sviðið þegar kemur að framkvæmdum og áætlunum á Íslandi með tilliti til loftslagsáhrifa. Hvernig er hægt að standa betur að mati á áhrifum á loftslag? Við heyrum frá sérfræðingum úr ólíkum áttum og reynum að draga upp stöðuna eins og hún er – með það að markmiði að leita lausna fyrir framtíðina. Fundarstjóri er Stefán Gíslason, umhverfisstjórnunarfræðingur.
Dagskrá Umhverfismatsdagsins 2023
13:00 | Opnun |
Setning fundarstjóra Stefán Gíslason | |
Umhverfismatsdagurinn 2023 - stiklað á stóru Ólafur Árnason | |
Greenhouse gas emissions and EIA - A UK perspective Joanna Wright, forstöðumaður hjá ráðgjafarstofunni LUC í Englandi | |
Loftslagsmál í umhverfismati: Stækkun Keflavíkurflugvallar og Aðalskipulag Reykjavíkur Bryndís Skúladóttir, sérfræðingur VSÓ Ráðgjöf | |
14:30 | Kaffihlé |
14:50 | Hvernig náum við árangri í að draga úr loftslagsáhrifum framkvæmda? Alexandra Kjeld, sérfræðingur hjá Eflu verkfræðistofu |
Vatnafarsgreiningar og loftslagsspár í mati á umhverfisáhrifum Sveinn Óli Pálmarsson, Vatnaskil | |
15:30 | Pallborðsumræður |
Alexandra Kjeld, sérfræðingur hjá Eflu verkfræðistofu Bryndís Skúladóttir, sérfræðingur hjá VSÓ Ráðgjöf Ólafur Árnason, settur forstjóri Skipulagsstofnunar Hlín Gísladóttir, Umhverfisstofnun Þórunn Wolfram Pétursdóttir, framkvæmdastjóri Loftslagsráðs | |
16:00 | Ráðstefnuslit |