Staðfesting á breytingu á aðalskipulagi Reykjanesbæjar vegna athafnasvæðis AT12 sunnan Fitja
Skipulagsstofnun staðfesti 16. maí 2024 óverulega breytingu á Aðalskipulagi Reykjanesbæjar 2020-2035 sem samþykkt var í bæjarstjórn 21. nóvember 2023.
Í breytingunni felast áform um rúmlega 4 ha stækkun athafnasvæðis AT12 sunnan Fitja og samsvarandi minnkun á opnu svæði OP26. Svæðið verður um 52,4 ha að stærð eftir breytingu. Skipulagsákvæði eru óbreytt.
Málsmeðferð var óveruleg breyting á aðalskipulagi samkvæmt 2. mgr. 36. gr. skipulagslaga nr. 123/2010.
Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.