Staðfesting á breytingu á aðalskipulagi Rangárþings eystra vegna verslunar og þjónustu í landi Dílaflatar
Skipulagsstofnun staðfesti, 6. maí 2024, breytingu á Aðalskipulagi Rangárþings eystra 2020-2032 sem samþykkt var í sveitarstjórn 11. janúar 2024.
Í breytingunni felst að 15 ha af norðvesturhluta Dílaflatar verða skilgreindir sem verslunar- og þjónustusvæði VÞ31 vegna áforma um uppbyggingu ferðaþjónustu á svæðinu. Annað landbúnaðarland L2 minnkar sem því nemur.
Málsmeðferð var samkvæmt 1. mgr. 36. gr. skipulagslaga nr. 123/2010.
Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.