Staðfesting á breytingu á aðalskipulagi Langanesbyggðar vegna efnistöku í Miðfirði I og II
Skipulagsstofnun staðfesti 1. júlí 2020 óverulega breytingu á Aðalskipulagi Langanesbyggðar 2007-2027 sem samþykkt var í sveitarstjórn 5. maí 2020.
Breytingin felst í stækkun efnistökusvæða í Miðfirði I (N14) og Miðfirði II (N13).
Málsmeðferð var óveruleg breyting á aðalskipulagi samkvæmt 2. mgr. 36. gr. skipulagslaga nr. 123/2010.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.