Málstofa um stafrænt deiliskipulag
Skipulagsstofnun stendur fyrir málstofu um innleiðingu stafræns deiliskipulags þann 7. júní næstkomandi, í húsakynnum Skipulagsstofnunar, Borgartúni 7b. Fundurinn mun standa frá 9 – 11. Heitt verður á könnunni.
Undirbúningur fyrir innleiðingu stafræns deiliskipulags hefur staðið yfir um nokkurt skeið en ákvæði skipulagslaga um gerð stafræns deiliskipulags tekur gildi 1. janúar 2025. Kröfur um vinnslu og skil deiliskipulags á landupplýsingaformi fela í sér að aðilar sem koma að gerð deiliskipulags þurfa að tileinka sér nýjar aðferðir við gerð skipulagsuppdrátta auk þess sem innleiðing kallar á breytta nálgun og úrfærslu ýmissa þátta er varða framsetningu og skil á stafrænum gögnum. Mikilvægt er að tryggja samræmd vinnubrögð og farsæla innleiðingu stafræns deiliskipulags.
Á fundinum verður farið yfir hvers er að vænta við innleiðingu stafræns deiliskipulags og hvernig henni verður háttað þar sem meðal annars verður komið inn á tæknileg útfærsluatriði auk þess sem aðilar frá sveitarfélögum og stofnunum deila sinni sýn á málið.
Dagskrá:
| Ólafur Árnason, forstjóri Skipulagsstofnunar Opnunarávarp Upptaka |
| Albert Þorbergsson, Skipulagsstofnun Stafrænt deiliskipulag - undirbúningsvinna og fyrstu drög Upptaka Glærur |
| Tryggvi Már Ingvarsson, HMS Tengingar stafræns deiliskipulags við aðra gagnagrunna HMS |
| Þórarinn Jón Jóhannsson, Reykjavíkurborg Áskoranir í stafrænu deiliskipulagi |
| Samantekt og umræður |
Lokað hefur verið fyrir skráningu á málstofuna þar sem allar líkur eru á húsfylli og rúmlega það. Eftir sem áður verður hægt að fylgjast með viðburðinum í beinu streymi í gegnum Teams og þá verður einnig birt upptaka að viðburði loknum á skipulag.is og á facebook-síðu Skipulagsstofnunar.