Um Skipulagsgátt

Hvað er Skipulagsgátt?

Skipulagsgátt er nýjung við skipulagsgerð, umhverfismat og framkvæmdaleyfisveitingar. Í gáttinni eru aðgengilegar á einum stað allar skipulagstillögur, umhverfismat og framkvæmdaleyfi sem eru til kynningar á landinu hverju sinni, frá upphafi hvers ferils til enda. Gáttin er opin öllum og var tekin formlega í gagnið frá 1. júní 2023. Þar eru birt öll ný mál sem varða skipulagsáætlanir, umhverfismat og útgáfu framkvæmdaleyfa.

Hvernig getur Skipulagsgátt nýst mér?

Í Skipulagsgátt getur þú:

• Skoðað öll mál sem eru til kynningar hverju sinni og sótt gögn þeirra.
• Gert athugasemdir við mál á kynningartíma þeirra.
• Gerst áskrifandi og fengið tilkynningar um ný mál eða uppfærslur mála í gáttinni eftir þeim málaflokkum eða staðsetningu sem hentar þér.

Skoðaðu þig um í Skipulagsgáttinni: https://skipulagsgatt.is/

Ertu með fyrirspurn?

Hafir þú fyrirspurn um Skipulagsgátt er tekið á móti þeim í gegnum netfangið skipulagsgatt@skipulag.is.