Rannsóknar- og þróunarsjóður

Rannsóknar- og þróunarsjóður Skipulagsstofnunar var settur á laggirnar árið 2011, á grundvelli heimildar sem sett var í skipulagslög árið 2010 um að verja megi fé úr Skipulagssjóði til að styrkja rannsóknar- og þróunarverkefni á sviði skipulagsmála.

Að jafnaði er úthlutað úr sjóðnum einu sinni á ári að undangenginni auglýsingu. Árið 2019 verður ekki úthlutað úr sjóðnum.

Við mat á umsóknum er horft til þess að verkefnin séu líkleg til að skila hagnýtum niðurstöðum fyrir skipulagsyfirvöld og fagaðila við gerð skipulags og umhverfismats.

Umsóknareyðublað sem má nálgast hér.

Um skil á lokaskýrslum rannsóknar- og þróunarverkefna

Skila skal lokaskýrslum verkefna sem hlotið hafa styrk úr Rannsóknar- og þróunarsjóði til Skipulagsstofnunar, rafrænt (á pdf-formi) á netfangið skipulag@skipulag.is. Í þeim skal geta þess að verkefnið sé styrkt af Rannsóknar- og þróunarsjóði Skipulagsstofnunar en ekki skal merkja verkefnisskýrslur með merki Skipulagsstofnunar. Lokaskýrslur verkefna eru birtar á vef Skipulagsstofnunar.

Úthlutanir

2018

Íslensk þýðing og útgáfa bókarinnar Mannlíf milli húsa eftir danska arkitektinn Jan Gehl

Verkefnisstjóri: Anna María Bogadóttir, arkitekt

Íslensk þýðing og útgáfa bókarinnar Livet mellem husene eftir Jan Gehl sem ber titilinn Mannlíf milli húsa í íslenskri þýðingu. Bókin sem er frá 1971 er ennþá talin lykilrit í arkitektúr, skipulagi og borgarfræðum.

Sustainable development of Kvosin - 101 Reykjavík: The potential impact of shared spaces on community and tourism

Verkefnisstjórar: Birgir Jóhannsson, arkitekt og Astrid Lelarge, sagnfræðingur.

Tilgangur verkefnisins er að skoða möguleika á þróun samrýma í Kvosinni og meta hvaða áhrif það hefði á nærsamfélagið og ferðamennsku. Verkefninu er einnig ætlað að gagnast sem verkfæri sem yfirvöld geta nýtt sér í skipulagsgerð.

Eftirspurn bíla- og hjólastæða á höfuðborgarsvæðinu

Verkefnisstjóri: Daði Baldur Ottósson, samgönguverkfræðingur hjá EFLU.

Tilgangur verkefnisins er að meta eftirspurn eftir bíla- og hjólastæðum við mismunandi landnotkun á höfuðborgarsvæðinu. Vonast er til að niðurstöður verkefnisins muni nýtast sveitarfélögum og þeim sem vinna við skipulag að ákvarða nauðsynlegan fjölda bíla- og hjólastæða.

Mat á kolefnisspori á skipulagsstigi – skref í átt að kolefnishlutleysi

Verkefnisstjóri: Helga J. Bjarnadóttir, efna- og umhverfisverkfræðingur og sviðsstjóri Umhverfissviðs hjá EFLU

Tilgangur verkefnisins er að skoða hvernig hægt er að meta kolefnisspor strax á skipulagsstigi og í kjölfarið setja kröfur í skilmála um að dregið verði úr losun gróðurhúsalofttegunda frá byggð, landnotkun og samgöngum og aukna bindingu í gróðri

Verslun og skipulag

Verkefnisstjóri: Sverrir Bollason, skipulagsverkfræðingur hjá VSÓ

Tilgangur verkefnisins er að öðlast betri skilning á samspili dagvöruverslunar í þéttbýli og skipulagsmála sem stýra þróun verslunarinnar. Rannsóknir á samspili verslunar og skipulags veitir innsýn inn í hvaða þættir hafa áhrif á lífvænleika verslunarinnar. Slík rannsókn gæti einnig hjálpað fasteignaeigendum og rekstraraðilum verslunar að velja lífvænlega staði og þróa líflega kjarna, hvort sem er á hverfis- eða borgarvísu.