Auglýsing um tillögu að breytingu á Aðalskipulagi Vesturbyggðar 2006-2018 vegna snjóflóðavarnargarða neðan Klifs á Patrekfirði
Bæjarstjórn Vesturbyggðar samþykkti á fundi sínum þann 28. september 2011 að auglýsa tillögu að breytingu á aðalskipulagi fyrir Vesturbyggð.
Samkvæmt 31. gr. skipulagslaga nr. 123/2010 er hér með auglýst eftir athugasemdum við tillögu að breytingu á aðalskipulagi vegna snjóflóðavarnargarðs undir Klifi.
Skipulagsuppdrættir og greinargerð liggja frammi á skrifstofu Vesturbyggðar og hjá Skipulagsstofnun Laugavegi 166, Reykjavík frá 16. desember 2011 til 3. febrúar 2012. Ennfremur verða gögnin aðgengileg á heimasíðu sveitarfélagsins www.vesturbyggd.is. Frestur til að skila inn athugasemdum er til 3. febrúar 2012. Athugasemdum skal skila skriflega á skrifstofu Vesturbyggðar Aðalstræti 63 eða á netfangið armann@vesturbyggd merkt “aðalskipulag Vesturbyggðar”. Þeir sem ekki gera athugasemdir innan tilskilins frests teljast samþykkir tillögunni.
Ásthildur Sturludóttir bæjararstjóri.